ដូចនេះមិនត្រឹមតែស៊េរី HTC One ដែលមិនមានផ្ទៃប្រសព្វ Sense នោះទេ ព្រោះ Galaxy S4 ក៏មិនមានTouchWiz ដែរដោយប្រើ Android KitKat វិញ។ ពេលទូរស័ព្ទរត់ Android 4.4 ដើម អ្នកប្រើអាចទទួលបាននូវផ្ទៃប្រសព្វថ្មីស្រស់ស្អាត សារ SMS/MMS ត្រូវបានបញ្ចូលជាមួយនឹង Hangouts លទ្ធភាពលុបទូរស័ព្ទរបស់អ្នកពីចំងាយតាម Android Device Manager កម្មវិធីថតរូបល្អជាងនិងថ្មប្រើបានយូរជាងផងដែរ។ ជំនាន់ថ្មីនេះនឹងមានអោយអ្នកទាញយកតាម OTA ដោយអ្នកគ្រាន់តែចូលទៅក្នុង menu Settings ដើម្បីអោយដឹងថាឧបករណ៍របស់អ្នកអាចឡើងបានហើយឬនៅ? ចំពោះអ្នកដែលប្រើ Galaxy S4 ធម្មតាវិញប្រហែលជានឹងត្រូវរងចាំមួយរយៈពេលយូរទៀតទើបអាចឡើងជាផ្លូវការបាន។
តែសូមកុំអស់សង្ឃឹមព្រោះអ្នកនៅអាចប្រើម៉ូដែល ROM CyanogenMod 11 Alpha ដែលទើបនឹងចេញសម្រាប់នាំ KitKat ទៅដាក់លើ Samsung Galaxy S4 ដោយមានលេខសំគាល់ GT-I9500។ គួរកត់សំគាល់ផងដែរថាដោយសារតែនេះគឺជាម៉ូដែល Alpha របស់ CyanogenMod ដូចនេះវាក៏អាចនឹងមានកំហុសជាច្រើន ដូចជាមានបញ្ហាពេលភ្ជាប់ជាមួយកុំព្យូទ័រ មិនអាចថតវីដេអូ គុណភាពការហៅអន់ មុខងារបង្វិលអេក្រង់មិនដំណើរការ រូបភាពមិនអាចបង្ហាញក្នុងកម្មវិធី Gallery។ បើសិនជាអ្នកអាចទទួលយកបញ្ហាខាងលើនេះហើយចង់ប្រើ Android KitKat នោះអ្នកអាចប្រើ Galaxy S4 GT-I9500 (ម៉ូដែលធម្មតា) អាចមើលការណែនាំដំឡើងនិងទាញយក ROM CyanogenMod 11 Alpha ត្រង់នេះ៕